[ حال الشباب يوم يحبون ]

السلام عليكم ..

شحالكم ؟ < كلن بحاله

اليوم حبيت احط لكم هالموضوع ..

1 . تلقينه دايم كاشخ و مستانس و يسولف و طلبي منه اي شي (( بيقول لج تم انتي بس آمري ))

2 . من فرحته معاشه يخلص من اول الاسبوع من كثر ما يصرف ع كشخته .. اتعرفون عاد العطورات و يفصل كل شهر 10 و فوق و من غير الهدايا حق الاحم احم هههه

3 . 24 ساعه بتحصلينه في السنما (( كله أفلام رومانسيه )) لا و كل العزايم ع حسابه << اونه اهني عاد ههههه

4 . ما يرقد الليل من كثر التفكير و العيون الصبح ما يحتاي حـمـر و متنفخات بعيد الشر .. و احيانا ما يرقد من اليوع (( ظاهره غريبه )) بتلقينه في المطبخ في نص الليل يدور اي شي ياكله << حليله ههههههه

5 . عاد يا ويل امه يا ويلااااه .. كل يوم الصبح و ع الغدا و العصر و الفليل و في اي وقت (( امـيـه ابا اعرس )) (( يصير شرات الياهل يوم يبا ابوه يشتري له لعبه )) هههه .. و ما بيخلي حد في البيت في حاله << الظاهر الريال ع باله العرس بين يوم و ليله ههههه

6 . بتلقينه حاطله غنيه ربشه و ايوول رووحه في غرفته رووحه (( ينون من الخاطر )) << و هاي صارت جدام عيني هههههه شو نقعت من الضحك

7 . يوم ياخذ له شاور يصدع البيت كله من كثر ما يغني في الحمام (( تقولين شريط منوعات )) << هيه والله ازعااااااج من الخااطر بس شو انقع من الضحك يوم يستوي جي ل فلاان هههههه

8 . اذا ست الحسن (( الاحم احم )) في فريج ثاني لا اتدورونه وايد .. بتلقونه يحوط ب سيارته (( يسوي استعراضات ب السياره )) و ثاني يوم بتلقونه في الصناعيه يعدل سيارته ههههه

9 . عاد اذا زعلت عليه (( الاحم احم )) اول شي حالة اكتئاب شديد ما يلس في البيت .. اذا من هل بوظبي و دبي بتحصلينه يالس يرمس روحه عند البحر .. و ذا من هل العين بتحصلينه بايت في العزبه يرمس المعزه أو يرمس العمال << والله حاله هههههه

10 . اذا رحتي غرفته اتعرفون شو بتحصلون اونه حليله يالس يألف قصايد و لو بعد تقرين القصاايد شوو بتنقعين من الضحك كله كلام فاضي .. و يبات ينقل من المجلات قصايد و يرسم حرووف << هيه والله صدقكم شفت هالشي جدام عيني ههههههههه بس حليله فلااان كان يحاول هع هع

حـليلكم يا الشباب تكسروون الخاطر .. ينعرف يوم اتحبوون ما تعرفون راسكم من كرياسكم ..!

و السموحه اذا في حد من الشباب حـط في خاطره عليه

نص مسروووق << لاني عدلت فيه اشوي و حطيت تعليقاتي ههههههه

تحياتي المخربه ^^

Crazy Girl